GLAUKOMA SABABLI RIVOJLANADIGAN KO‘RUV NERVI ATROFIYASINING ERTA DIAGNOSTIKASI: ZAMONAVIY USULLAR VA ULARNING SAMARADORLIGI

Abstract

Ko‘ruv nervi — inson tanasidagi o‘ziga xos tuzilmalardan biri bo‘lib, u ko‘zdan miyaga vizual ma’lumotlarni uzatuvchi minglab asab tolalaridan iborat. Bu tolalar shikastlanganda yoki nobud bo‘lganda, ularning o‘rnida biriktiruvchi to‘qima paydo bo‘ladi va bu ko‘rish qobiliyatining qaytarilmas yo‘qolishiga olib keladi. Statistik ma'lumotlarga ko‘ra, global ko‘rlik holatlarining kamida 20% i ko‘ruv nervi atrofiyasi bilan bog‘liq. Kasallik ko‘p hollarda erta bosqichlarda belgilarsiz kechadi va bemor ko‘rish buzilishlarini sezganida nerv tolalarining katta qismi allaqachon zararlangan bo‘ladi. Shu bois, atrofiya jarayonini imkon qadar erta bosqichda aniqlash va zamonaviy diagnostika usullaridan samarali foydalanish ko‘rish qobiliyatini saqlab qolish uchun muhim ahamiyatga ega.