Pediatrik endokrinologiyada semizlik: patogenez, profilaktika va terapiya

Abstract

Jahon sog‘liqni saqlash tashkilotining so‘nggi ma’lumotlariga ko‘ra, so‘nggi 30 yil ichida bolalar orasida semizlik darajasi ikki barobar ortgan. Pediatrik yoshdagi semizlik nafaqat modda almashinuvining buzilishi, balki yurak-qon tomir tizimi, reproduktiv salomatlik, ruhiy-psixologik holat va hatto umr davomiyligiga salbiy ta’sir ko‘rsatadi. Ayniqsa, endokrin tizim bilan bog‘liq semizlik holatlari uzoq muddatli monitoring va murakkab terapiyani talab qiladi. Bugungi kunda endokrin sababli semizlik turlariga gipotiroidizm, insulin rezistentligi, giperkortitsizm (Cushing sindromi), leptin rezistentligi va genetik sindromlar (Prader–Willi sindromi) kiradi.