TIJORAT BANKLARIDA KASSA OPERATSIYALARINING HISOBI VA UNING AUDITINI TAKOMILLASHTIRISH

Mamlakatimizda tijorat banklari iqtisodiyotning muhim tarkibiy qismi bo‘lib, ular nafaqat moliyaviy xizmatlarni ko‘rsatadi, balki iqtisodiy sub'ektlar o‘rtasidagi moliyaviy munosabatlarni boshqaradi. Banklar tomonidan amalga oshiriladigan kassa operatsiyalari, ya'ni naqd pul bilan bog‘liq barcha moliyaviy amallar, bank faoliyatining ajralmas qismi hisoblanadi. Ushbu operatsiyalarni hisobga olish va audit qilish esa, banklarning moliyaviy shaffofligi, samaradorligi va xavfsizligini ta'minlash uchun zarur.